Аудандық "Алау-2019" әскери-спорттық жарыс

Отан қорғаушылар және Ұлы Отан Жеңісінің 74 жылдығына және Қазақстан Республикасының Қарулы Күштерінің құрылғанына 27 жыл толуына орай ұйымдастырылған аудандық «Алау – 2019» әскери-спорттық ойындар байқауы
Бірлік пен төзімділік ұранымен тойланатын мамыр айындағы Ұлы Жеңіс мерекесі туралы тұңғыш президентіміз Елбасы Нұрсұлтан Әбішұлы Назарбаев «Бұл күні - сол бір қанды қырғыннан қайтпай қалған қыршын боздақтардың асқақ рухтарының аспандайтын күні»- деген болатын.
Егеменді елдің тыныштығын, бейбітшілігін қорғау әр азаматтың қасиетті борышы. Ұлы Отан соғысындағы Ұлы Жеңіс достық пен бірлікті жырлаған, ер намысы болып атылған, ел дауысы болып шақырған Жеңіс. Арын жалау етіп, жанын алау етіп, жауға аттанған ел ұлдары жерін қорғады, халқының өмірін қорғады, өз туған өңірін қорғады, ақ сүт берген анасын қоғады, ақ самал ескен даласын қорғады. Жер жаһанды жан түршігерлік қисапсыз қанға бояп, сансыз ошақтың отын өшіріп, үмітін үзген алапат соғысқа тегеуренді тепкі беріп әлемді аман алып қалған жігерлі жауынгерлердің рухына арналған Аудандық «Алау – 2019» әскери-спорттық ойындар байқауы №11 орта мектебінде 18 мамыр күні мектеп алаңында салтанатты ашылуы өтіп, Қазақстан Республикасының Мемлекеттік Туы шығарылып, Мемлекеттік Гимні айтылды.
Құттықтау сөзді мектеп директоры Альменова Гулмира Сейлханова айтты.
Байқау Пневматикалық винтовкадан спорттық атыс бойынша, саптардың және әндердің көрінісі,турникке тартылу бойынша, денені жерден көтеріп түсіру бойынша, дала жарысы, жарыс бойынша «Жауынгерлік үнпарақ» сайыс түрлерінен 10 мектеп қатысты. Ереже бойынша сайыстар өтіп, бағаланды.
Мектебімізден қатысқан топ 3 орынға иеленді.