23
май
2019
Жетіген ауылы №11 орта мектебінде 9 мамыр Жеңіс күнінде өткізілген іс-шара
Жетіген ауылы №11 орта мектеп оқушылары мен ұжымы 9 мамыр Ұлы Отан соғысындағы Жеңіс Күнін мерекелеуге арналған "Мәңгілік өшпес полк" акциясына қатысу үшін Жетіген ауылының "Тәуелсіздік" алаңына жиналды. "Мәңгілік өшпес полк" акциясы - бұл Ұлы Отан соғысы кезінде, өз өмірін аямай, Отанын азат ету үшін күрескен әрбір адамды, әрбір батырды есте сақтауға арналған акция. Ол Жетіген ауылының алаңында сағат 09.00-де басталды,көп ұзамай «Мәңгілік өшпес полкын» алаңда қарсы алды. Ұлы Отан Жеңісіне 74 жыл толуына орай ұйымдастырылған мерекелік концерттің салтанатты ашылуы болып, Қазақстан Республикасының Мемлекеттік Гимні ойналды. Алаңда Жетіген ауылының ардагерлерін таныстырып өтті. Бүгін біз көлемі жағынан әлемдегі ең жойқын соғыстардың бірі болған,бүкіл адамзатқа орны толмас қасірет әкеліп , миллиондаған адамдардың өмірін жалмаған кесапатты соғыста, фашизімінің қара күшін талқандаған Ұлы Отан соғысының құрбандарына 1 минут үнсіздік жарияланды. Ауыл ақсақалдарымен Жетіген ауылдық округігің әкімі Н.Абилев және мектеп директоры Г.Альменова ҰОС- ескерткішіне гүл қойды. Үлгілі вокал ансаблі «Элегия»- «Майский вальс» әнімен мерекелік концертті бастады. Көптеген әсем әндер айтылып, билер биледі.